Роҳбарияти филиали КВД “Тоҷикаэронавигатсия” дар шаҳри Кӯлоб дар қатори дигар филиалҳои корхона баҳри боз ҳам густариш бахшидан ба фаъолияти босамар, дар таъмини мутахассисон, харидорӣ ва насби техникаҳои ҷавобгӯ ба талаботи имрӯз ва ободонии гирду атрофи филиали корхона, фароҳам овардани шароити кормандон чораҳои зарурӣ меандешад.   

Дар радифи ин андешаҳо метавон арз дошт, ки санаи 19-уми июни соли равон дар филиали КВД “Тоҷикаэронавигатсия” бунёди системаи нав АПР DF 2000 барои муайян намудани самти дақиқи ҳавопаймо дар фазо оғоз гардид. Тибқи нақша бунёди системаи мазкур то охири моҳи июл мавриди истифода қарор мегирад, ки ин иқдом дар самти таъмини бехатарии парвоз, аниқтараш ба таври амиқу дақиқ пешниҳод намудани маълумот дар бораи хавопаймо мусоидат менамояд. Ҳамчунини системаи мазкур барои боз ҳам бехатар гардонидани хизматрасонии парвозҳо мусоидат хоҳад намуд.

Маркази матбуоти КВД “Тоҷикаэронавигатсия”