Ҷоми байналмилалии “Дӯстии халқҳо” оид ба бозии футболи хурд аз 25-ум то 27-уми октябри соли 2024 дар шаҳри Самарқанди Ҷумҳурии Узбекистон ташкил ва гузаронида шуд. Дар чорабинии мазкур дастаҳои мунтахаби КВД “Тоҷикаэронавигатсия”, КВД Маркази “Узаэронавигатсия”, КВҶ “Қазаэронавигатсия” ва КД “Қирғизаэронавигатсия” ширкат варзиданд. Ҳадафи мусобиқаи мазкур тақвият бахшидан ба ҳамкориҳои бисёрҷониба, тарғиби ҳаёти солим ва варзиш, ба ин васила мустаҳкам намудани ҳамкориҳо миёни кормандони корхонаҳои таъминкунандаи хизматрасонии аэронавигатсионии кишварҳои Осиёи Марказӣ равона гардидааст.  

Ҳамзамон аз КВД “Тоҷикаэронавигатсия” мутахассисони Раёсати хизматрасонии ҳаракати ҳавоӣ аз ҳисоби ҷавонони дӯстдорони варзиш Ҷумҳурии Тоҷикистонро намояндагӣ намуданд.

Чорабинии варзишии мазкур дар густариши ҳамкориҳо байни корхонаҳои таъминкунандаи хизматрасонии аэронавигатсионии минтақа, ба ин васила пойдории минбаъдаи дӯстии байни онҳо, беҳтар гардидани сатҳи хизматрасонии аэронавигатсионӣ миёни кишварҳои Осиёи Марказӣ ва мубодилаи таҷрибаҳои пешқадам нақши муассир мегузорад.

Дар фарҷом ғолибон ва дастаҳои ширкаткунанда аз ҷониби КВД Маркази “Узаэронавигатсия”бо туҳфаҳои хотиравӣ  қадрдонӣ гардиданд.

                                                                                 Маркази матбуоти КВД “Тоҷикаэронавигатсия”